- ‘Emakumea, zuk ez duzu ezer’ (‘Dona, vosté no té res’) dokumentalak (produkzio eragilea Anna Marqués eta Silvia Pairó –TVC-, eta zuzendaritza, gidoia eta errealizazioa Eva Martínez) puntako orduan Kataluniako TV3 kateko ‘Sense Ficció’ tartean emititua, Ohorezko Aipamena jaso du.
Gasteiz, 2022ko uztailak 27.
Julene Aranburu eta Maite Duquek sortutako eta EITB Mediarako Pausokak euskaraz ekoitzitako ‘Irabazi Arte!’, fikzioko serieak (Itziar Zeberio produkzio eragile modura) TELEBISTAKO CIMA-FESTVAL BERDINTASUN SARIA 2022 eskuratu du, jaialdiaren Amaierako Galan emango dena irailaren 10ean, larunbatez.
Epaia eman zuen epaimahaia, CIMA elkarteko (EMAKUME ZINEGILEEN ETA IKUS-ENTZUNEZKO BALIABIDEEN ELKARTEA) ISABEL RAVENTÓS presidenteordea buru zela, hauek osatu zuten: JOSEBA FIESTRAS, FesTVal jaialdiaren zuzendaria; MAITE ITURBE, Miramon Ekoizpen Zentroko zuzendaria; JAVIER MARTÍN DOMÍNGUEZ, Prentsako Nazioarteko Klubeko presidentea, kazetaria eta zinema eta telebistako zuzendaria; ALEXA PORTILLO, hezkuntza delegatua CIMA elkartean eta ‘MasterChef’, ‘Endemol Shine’ telesaioetako produkzioko kide eragilea; MAYTE CARRASCO, kazetaria, CEO, ‘The Big Story Films’ eta ACM (Mujeres Contamos el Mundo) elkarteko koordinatzaile orokorra; eta PILAR SERRANO, Zeppelin TV/Banijay Iberiako komunikazio arloko zuzendaria.
Epaimahaiak nabarmendu duenez, ‘IRAZABI ARTE!’ emakumeen ahalduntzea eta emakumeen arteko elkartasuna sustatzen dituen gazteentzako serie bat da. Gainera, ikus-entzule gazteak erakartzeko, transmedia garapen interesgarri bat hedatzen du Instagram, Irabaz Arteko webgunea, ‘Irazabi Arte PODKAST’ podkastak eta Irazabi Arte EITB aplikazioaren bidezko komika eta, laster, bigarren denboraldian, Tik Tok, erabiliz. Bestalde, epaimahaiak azpimarratu nahi du EITB fikzioan ez ezik beste genero batzuetan emakumea sustatzeko egiten ari den lana, esate baterako, entretenimenduan eta dokumentalean, emakumeen emanaldiak eta kirola bultzatzeko apustu irmoarekin batera. EITB-ren programazioak berdintasuna bultzatzen eta aurrerapausoak ematen laguntzen du.
‘‘EMAKUMEA, ZUK EZ DUZU EZER’ (‘Dona, vosté no té res’)
Bestalde, epaimahaiak ‘EMAKUMEA, ZUK EZ DUZU EZER’ (‘Dona, vosté no té res’) dokumentala nabarmendu du, Medikuntzan generoaren zantzuak jorratzeko originaltasuna eta ausardiagatik, bereziki obstretizian, buruko osasunean eta bihotz-hodietako osasunean ematen den indarkeriarekin. Era berean, TVE Cat kateak ‘Sense Ficció’ tartearen bidez, puntako orduan berdintasunari buruzko eztabaida bultzatzeko apustu irmoa azpimarratu du.
BERDINTASUN CIMA FESTVAL SARIAK berdintasunari begira ekarpen handiena egiten duen telesaio batean egindako lana aitortzen du. Emakumeak telebistan duen presentzia nabarmentzen duen lehendabiziko saria berdintasun handiagoko gizarte bat lortzeko emakumea ez diskriminatzearen garrantzia ondoen erakutsi duen edukiari ematen zaio.
HISSARIEN HISTORIA
-‘MUJER TENÍAS QUE SER’ ‘El Intermedio’ telesaiokoa, Carmen Aguilerak zuzendua eta Sandra Sabatések aurkeztua, La Sexta.
–‘LES DE L’HOQUEI’, Ona Anglada, Laura Azemar, Natalia Boadas, Marta Vivet eta Marta Grauk sortua. Unibertsitateko proiektu modura sortu ondotik, Kataluniako TV3 katean eta Netflixen telesaio arrakastatsu bilakatu zen.
-‘SKAM’ 3. DENBORALDIA Zeppelin TV eta Movistar+ etxeen eskutik Espainian ekoitzitako bertsioan. ‘PIONERAS’ dokumental-saioa, Movistar+ eta Zeppelin (Banijay Iberia) etxeek ekoitzia.
