Ikus-entzunezko sektorean onenak direnekin ikasteko aukera paregabea

PROFESTVAL

Covid-19 gaixotasunak eragindako egoera dela medio, aurten FesTVal ekimeneko Jardunaldi Profesionalak ONLINE moduan ospatzea dagokigu.
Betiko moduan, doan izen ematera adoretzen zaitugu profesionales@festval.tv helbidean.

Zenbait kasutan, eskolak streaming moduan eta YouTube eta Facebook.com/FesTVal kanaletan emango dira, plaza aldetiko mugarik gabe.
Beste batzuetan, areto birtualerako esteka helaraziko zaizu eta plazak mugatuak izango dira, eta izen-ematearen hurrenkeraren arabera esleituko dira. Azkenik bertara sartzerik ez baldin baduzu, posta elektronikoz jakinarazi iezaguzu zure plaza erreserban dagoen pertsona bati emateko.

Epea zabalik dago abuztuaren 20tik aurrera eta hau da PROGRAMA:

Programa

Tailerra: Begirada eraldatzen duen musika. Music Library & SFX

Tailer praktiko bat da, musikak, ikus-entzunezkoarekin uztartzen denean, hartzen duen ahalmen eraldatzailea, modu birtualean bertaratzen direnei, norberaren baitan, esperimentatzeko aukera ematea duena helburu: ikus-entzuleak musikak ikus dezan agintzen dion hura ikusiko du. Jarduera ugari izango dituen tailer honen bidez, era berean, musikak begiradaren eraldaketa horretan har dezakeen sotiltasun maila eta istorioak gogora ekartzeko duen gaitasuna froga dezakegu.

Pitching saio birtuala Arabako ekoizpen-etxeekin

‘Errodajea Araban: abagunez beteriko eszenarioa’, Gasteiz Film Office zerbitzuaren lankidetzarekin

Araba eszenario paregabea bilakatu da orotariko errodaje eta grabaketak egiteko. Film Office zerbitzuak lurralde honetan gutxien ezagutzen diren zenbait lokalizazio eta gure probintzian grabatzeko garaian izaten diren era guztietako abantailak aurkeztuko dizkigu, kritika eta publikoko arrakasten adibideekin batera, egiazko aurkikuntzak, lurralde hauek gure mugetatik at ezagutaraztea ekarri dutenak.

Mahai biribila: ‘Eguneroko serietako gidoilariak: talde talentua’. Alma sindikatuarekin, Espainiako gidoilarien sindikatua.

Sarritan, eguneroko serieen idazketa lan ezezaguna da eta bertako edukien eraketa konplexua da, izan ere, gidoilariak gai izan behar dira, bazkalondoz bazkalondo, oso zabala den publiko bat entretenitzeko, zenbaitetan, oso mugatua izaten den aurrekontu batera egokituz eta lan-erritmo oso bizkor batean.
Formatu mota horretan lan egiten duten gidoilari taldeen zeregina bistaratzeko xedez, Alma sindikatuak Laura Molpeceresek (‘Servir y proteger’) gidatutako topaketa digital bat antolatzen du. Bertan parte hartzen dute, besteak, beste, Maria Alarconek (‘Servir y proteger’), Eulalia Carrillok (‘Mercado Central’), Antonio Cuadri eta Eduardo Zaramellak (‘Al salir de clase’), Aurora Guerrak (‘Acacias 38’, ‘El secreto de Puente Viejo’), eta Borja González Santaolalla eta Diana Rojok (‘Amar es para siempre’).
Topaketa digitalean hainbat kontu jorratuko dira, besteak beste, eguneroko serie batean gidoi talde bat nola egituratzen den eta idazketa-prozesuaren antolaketa zer-nolakoa den, Covid-19 gaixotasunak sorrarazitako krisiak tramen eraketan zer-nolako eragina izan duen, eguneroko serieek eguneroko arazoak tratatzeko duten ahalmena edo gizarte-sareek audientziarekin elkarrekintzan aritzeko funtsezko elementu modura duten funtzioa.

‘Telebista eta sare sozialak’

“Telebista eta sare-sozialak” izeneko mahai-inguruak Interneten telebistako edukien inguruan bai Youtube-n, baita Facebook-en eta beste hainbat lekuetan ere, sortu diren taldeen fenomenoari gerturatu nahi zaio.
Emilio Sanchís, zineman eta telesailetan adituak eta La Cuarta Pared podcast-eko produktoreak moderatuko du ekitaldi interesgarri hau. Mahai-inguruan ere Vanesa Brisach, Facebook-eko Devorador@s de series, libros y películas taldeko administratzaileak eta Diego Arjona, aktore, humoregile, errealizadore eta Tribunal del búho transmedia proiketuaren ekintzaileak hartuko dute parte. Haiekin batera, oraindik zehaztu gabeko hainbat gonbidatu egongo dira ere.
Mota honetako edukien gorako joeraren inguruan gehiago jakin nahi? Ba ez ezazu galdu ProFesTVal-ek eskaintzen dizun mahai-inguru hau.

Mahai biribila: ‘Script, lanbide ezezaguna’. Fikzioko Telebista Zuzendarien Elkartea den Dirigeren lankidetzarekin

Dirige elkarteak Script postuak errodajean hartzen duen zereginari buruzko hitzaldi-solasaldi bat proposatu du aurten. Egun telebistako fikzio proiektu ezberdinetan murgilduta dauden zuzendari eta scripten esku-hartzearekin, script postuak zer-nolako garrantzia duen aztertuko da, eta ez soilik jarraitutasuna kontrolatzeagatik, baizik eta proiektuari koherentzia bat emateagatik, aldez aurretik publiko orokorrak ezagutzen ez duena. Zuzendariak eta scriptak, adiskide ia banaezinak.

Nola izen eman ProFesTVal ekimenean

Zer egin behar duzu ekimen paregabe honetan parte hartzeko?
Gainerako guztia bezalaxe, erraz ipintzen dizugu: zure eskaera igorri baino ez duzu egin behar, abuztuaren 20tik aurrera.

Edozein kasutan, ORAIN zalantzarik baldin baduzu eta erabakia hartzeko buruan darabilkizuna adierazi nahi badiguzu, hona idatz diezagukezu: profesionales@festval.tv. Atseginez lagunduko zaitugu!

Laburbilduz, zeren zain zaude zure sektoreko profesional onenean bilakatzeko?

Zer da ProFesTVal?

ProFesTVal izenekoa ikus-entzunezko profesional eta ikasleei zuzendutako prestakuntza-ekintza ugari eta anitzekin osatzen da. Litekeena da zu sektore horretan urrats erraldoi bat eman nahi duten pertsona horietako bat izatea…

Izan ere, ikus-entzunezko munduak diziplina asko eta oso anitzak hartzen ditu:

Musika (grabaketak, serieak, telebista boladak)
Publizitatea eta Harreman Publikoak
Fikzioaren zuzendaritza ikus-entzunezko munduan (Telebista, webserieak, YouTube, gizarte-sareak…
Gidoilariak (letra, ikus-entzunezko, kazetaritza edota Harreman Publikoetako ikasleak)
Gailu mugikorretarako aplikazioak
¡Y mucho más!

Ekintza gehienak FesTVal jaialdiaren astean garatzen dira. Haatik, ikus-entzunezko jardunak sustatzeko gure irrika ez da horretan geratzen. Horregatik, ProFesTVal urtean zehar uneko beste ekintza batzuekin indartzen dugu, adibidez:

Ekoizpen-etxeekin lokalizaziorako bidaiak Araban balizko grabaketak egiteko. Gure probintziak eszenario ugari ditu, oso anitz eta interesgarriak fikziozko edozein formaturi forma eman ahal izateko.
Kongresuak telebista-kateekin, tokiko ekoizpen-etxeekin, edota gaurkotasunarekin zerikusia duten gaien, arazoen eta ikus-entzunezko sektoreko osagai ezberdinei buruzko kezken inguruan eztabaidatzeko foroak.

ProFesTVal ekimenak dituen abantailak, ihes egiten utzi ezin ditzakezunak

Ikus-entzunezko munduarekin lotutako gai ezberdinen inguruko ezagutza praktiko bat jasoko duzu tailer mistoak (presentziazkoak eta online erakoak), webinarrak, master classeak, mahai biribilak eta formatu gehiago landuz.
Sektoreko profesional handien eskutik ikasteko abagune paregabea izango duzu.
Parte-hartzaileen arteko sinergiak eta harremanak sustatzen dituen topagune batean parte hartzeko pribilegioa biziko duzu.
Ez galtzeko aukera ezberdinak izango dituzu: online era, presentziazkoa, streaming, bideoak YouTuben… Tira, parte hartzen ez baduzu nahi ez duzulako da eta!
Doakoa da. Bai, aditzen duzun moduan. Ihes egiten utzi ezin duzun aparteko abagune baten aurrean zaude.

Hori bai, abagune handi guztiekin gertatu ohi den eran, bizkor ibili behar duzu zure plaza gordetzeko.

ProFesTVal: parte hartzeko betekizunak

Hau guztiau irakurri ondoren 2020. urte honetarako ditugun proposamenetako batera bertaratzeko gogoa izango duzu ziurrenera. Dena den, litekeena da argi ez izatea ProFesTVal ekimenean parte hartzeko betekizunak betetzen ote dituzun. Ez etsi, jarraian baldintzak ikus ditzakezu, ziur horietakoren batean sartzen zarela!

Ikasleak (Ikus-entzunezkoak, Harreman Publikoak, Publizitatea, Kazetaritza, Humanistikak, etab.)
Kazetariak
Publizistak
Zuzendariak
Musikariak
Soinu teknikariak
Eta ikus-entzunezko sektorearekin lotura duen edozein lanbide.