- Laster hasiko da Euskadiko (EITB), Kataluniako (3CAT) eta Galiziako (TVG) telebista publikoek hiru erkidegoetan sortutako fikziozko proiektua grabatzen.
Ekitaldian parte hartu dute Ane Gabarain eta Joseba Apaolaza aktoreek, Gorka Garcia ETBko Arte eta Entretenimendu zuzendariak, Montse Besada TVGko Edukien zerbitzuburuak, Oriol Sala-Patau 3Cateko Fikzio eta Zinema buruak eta Fernanda Tabarés Voz Audiovisual ekoiztetxeko zuzendariak.
Vitoria-Gasteiz, 2025eko irailaren 5a
Ostiral honetan, irailaren 5a, “Pension Incompleta” aurkeztu da FesTVal Vitoria-Gasteizko jaialdiaren baitan. Estatuko ikus-entzunezko panoraman argitaratu gabeko fikziozko proiektua da. Estatuko lau hizkuntza ofizialetan grabatutako lehen saila da, eta galiziera, euskara, katalana eta gaztelania jatorrizko ekoizpen-hizkuntza gisa erabiltzen dira. EITBren, 3CATen, TVGren eta Galiziako Voz Audiovisual ekoiztetxearen koprodukzioa da, eta Galizia, Euskadi eta Kataluniako toki errealetan grabatuko da.
Telesailaren abiapuntua itxuraz IMSERSOko bidaiari maitagarriak dira, gauetik goizera artelanen desagerpenaren susmagarri nagusi bihurtzen direnak. Aktoreen artean Ane Gabarain eta Joseba Apaolaza daude. Talde korala izango da, publiko guztiarentzat, eta 2026an iritsiko da hiru lurralde horietako pantailetara.
Ekoizpena road movie gisa garatuko da, gidoi partekatuko egitura baten gainean. Galizia, Euskadi eta Kataluniako profesionalak bilduko ditu, eta askotariko begiradak, tokiko sentsibilitatea eta bokazio integratzailea eskainiko ditu. Berezko kulturak eta hizkuntza-aberastasuna narrazio-eragile gisa balioesteaz gain, zuzeneko eragina izango du hiru komunitateen kultura-, arte- eta paisaia-ondarearen balorizazioan.
“Pensión Incompleta” koprodukzio publikoko formatuetan berrikuntzaren aldeko apustu estrategikoa da, etorkizuneko lankidetza-hedapenetara irekitako egiturarekin. Ez da entretenimenduzko edukia soilik, baizik eta zerbitzu publikorako bokazioa duten telebista autonomikoen arteko kultura- eta industria-lankidetza handiagoa lortzeko urrats sendoa.
“Kazetaritzak informatzen eta iritzi publikoa, irekia, plurala eta itxi gabea eta ideologikoa izaten lagundu beharko liguke”
Xabier Garcia Ramsden kazetaria ETBko ‘El otro lado de la mesa’ saioan. PrentsaJune Barrio Zuazabeitia Xabier García Ramsden ETB2ko “El otro lado de la mesa” esperimentu sozial berriaren buru izateko iritsi zen FesTValera. Saioak elkarrizketa tradizionalaz bestelako ikuspuntua eskaintzen du, bi pertsona erabat ezezagunek gai ezberdinei buruz hitz egitearen aurkako iritziak dituztelako. Amaia Eizaguirre
