A la última:

Movistar taldeak Lola eta Todos mienten ekoizpen berriak aurkezten ditu FesTValen

Ikus-entzunezko ekoizpen hauek Gasteizko Telebista Jaialdian emango dira ezagutzera

Vitoria-Gasteiz, 2021eko abuztuaren 24a

Movistar+ beste urtebetez fidatuko da FesTVal (Gasteizko Telebista Jaialdia) jaialdiarekin, datorren denboraldiari begira dituen nobedade batzuk aurkezteko.
FesTVal abuztuaren 31 arteartean hasiko da ofizialki. Egun horretan bertan aurkeztuko da ‘Lola’, Movistar+ taldearen dokumental originala, 100 Balasekin (The Mediapro Studio) elkarlanean, Lola Floresen bizitza eta artea berrikusten duen proiektua, bere ibilbideko une nagusien eta esaldi ahaztezinen bitartez.
Lolita eta Rosario Flores alabek eta Carmen Flores ahizpak parte hartzen dute dokumental sail honetan.


Astearte horretan bertan egingo dute aurrestreinaldia publiko eta banatzaileekin, Arabako hiriburuko Europa Biltzar Jauregian, eta bertan izango dira Israel del Santo, ‘Lola’ zuzendaria, Lolita Flores, Rosario Flores eta Jorge Ortiz de Landázuri, ekoizpen exekutiboa Movistar+ eta Alejandro Flórez, ekoizpen exekutiboa 100 Balas (The Mediapro Studio).


Ostegunean, irailaren 2an, Movistar+ taldearen ‘Todos mienten’FesTVal aretoan izango da. Urbanizazio esklusibo batean bizi den irakasle baten istorioa kontatzen du telesailak, eta bere familiak eta lagunek gaitzetsi egin dute ikasle batekin harremana izan duela jakin ostean. Gauzak are gehiago korapilatzen dira biztanle baten gorpua agertzen denean. Ba al du zerikusirik heriotza honek irakaslearen eta ikaslearen bideo sexualarekin?
‘Todos mienten’ thriller bizkorra eta adiktiboa da, aurreikus ezin daitezkeen ondorioak dituen gizarte epaiketa batean datzan harreman eztabaidagarri bati buruzkoa. Movistar+ jatorrizko telesaila Pau Freixasek sortu eta zuzendu du, eta Irene Arcos, Lucas Nabor, Natalia Verbeke, Miren Ibarguren, Leonardo Sbaraglia, Juan Diego Botto eta Ernesto Alterio ditu protagonista, Eva Santolaria, Amaia Salamanca, Jorge Bosch, Carmen Arrufat eta Berta Castañérekin batera.


FesTValen telesailaren lehen bi atalak proiektatuko dira.

Ostiralean, irailak 3, ‘B.S.O’ Movistar+ ekoiztetxeak Estudio Caribe-rekin batera eskainiko duen jatorrizko produkzioko elkarrizketa saioaren txanda izango da. Bertan, Emilio Aragonek musikari gisa duen bokazioa eta bere ezagutza artistikoa erakutziko ditu, inoiz ez bezalako telebista ikuskizun bat sortzeko. Emilio Aragon prest dago gonbidatu berriei harrera egiteko ‘B.S.O’ telesaian, eta gau paregabea oparitzeko, zuzeneko musika emanaldirik onenekin, emozioarekin, nostalgiarekin eta sorpresa askorekin.


Emilio Aragon FesTValera itzuliko da, 2018an Joan Ramon Mainat Saria jaso eta gero.

Comparte:

Share on facebook
Facebook
Share on twitter
Twitter
Destacamos

Otras noticias:

Irailaren 19an estreinatuko du ETBk “Baserria” saioaren denboraldi berria

Klaudio Landak aurkeztuta, igandetan izango dugu ikusgai baserritar eta kaletar bikoteen arteko lehiaketa; eta asteartero, aurtengo nobedade gisa, eztabaida saioa platotik zuzenean. Realityaren bigarren edizio honetan 24 izango dira lehiakideak, 12 kaletar eta 12 baserritar, sei bikoteko bi taldetan. “Baserria Chatbot” joko interaktiboa izango du aurtengo edizioak, eta “Baserria” app berria ere estreinatu du EITBk.

Netflixek entretenimenduan dituen nobedadeak FesTValen aurkezten ditu

Gasteizko Telebista Jaialdian aurkeztuko ditu hurrengo realitie-en lehen irudiak. Álvaro Díaz Netflix Espainiako Ez Fikzio Edukien zuzendariaren eskutik, irailaren 3an, ostirala, proiektu horien inguruko xehetasun guztiak ezagutuko ditugu, baita hurrengo realityetako batzuen lehen irudiak ikusi ere. Netflix FesTValera itzuliko da 2019an Manolo Carok sortutako ‘La Casa de las Flores’ saioaren bigarren denboraldia estreinatu ostean. Eta

FESTVAL SARIAK 2021

Abuztuaren 31tik irailaren 5era bitartean egingo den FESTVAL jaialdiaren XIII. edizioak denboraldiko programa eta telesail nabarmenenak saritzen dituzten sarien berri ematen du. FESTVAL Sariakirailaren 4an (19:30ean), larunbatean, Iradier Arenan, egingo den jaialdiaren Itxiera Galan banatuko dira. Hauek dira aurtengo onarpenak: FESTVAL SARIA ‘LA NOCHE D’ Gaueko saioan umorez eta burutasunez egindako show ‘zuri’ bat berreskuratzeagatik

PROGRAMA DE TALLERES DEL PROFESTVAL

Ikus-entzunezko sektoreko Jardunaldi profesionalen egitaraua

Besteak beste, musika, telebista baliabide gisa, ikus-entzunezko produkzioaren jasangarritasuna eta lehiaketetan gidoiak egiten duen lana aztertuko dituzte. Irailaren 2an ikus-entzunezkoen euskal sektorearen topaketa berezia egingo da. Vitoria-Gasteiz, 2021eko abuztuaren 25a FesTValek (Gasteizko Telebista Jaialdia) 2010ean bere programazio ofizialari balio bat gehitu zion: ProFesTVal, ikus-entzunezko sektorearen ezagutza esklusiboena ikasleen eta profesionalen eskura egoteko doako jardunaldi profesionalak.