FesTVal jaialdiak bere 14. edizioa ospatuko du irailaren 5etik 11ea bitarteko astean.
- Gasteizko Telebista Jaialdiak kaleko jarduerak eta ohiko alfonbra laranja berreskuratuko ditu, estreinaldien programazio tradizionalarekin, ProFesTVal ekimenarekin edo Amaierako Galarekin batera.
- Joan den edizioan, 2021ekoan, 12 milioi euro erdietsi ziren hedabideetan.
FesTVal (Gasteizko Telebista Jaialdia) jaialdiko hurrengo edizioa, 14. Edizioa, 2022ko irailaren 5etik 11rako astean ospatuko da eta egoitza nabarmenen artean Arabako hiriburuko Europa Kongresuen Jauregia eta Principal Antzokia aipa daitezke.
Telebista Jaialdiaren antolakuntza sariketako edukiak prestatzeko lanean murgildurik dago jadanik, eta ardatz nagusiak telebistako serie eta saioen estrainaldi tradizionalak, ProFesTVal ekimena, (profesionalei zuzendutako ikus-entzunezko eduki eta tailerrekin), telebista-proiektuen aurkezpenak, edo Amaierako Gala tradizionala (bertan emango dira, beste sari batzuen artean FesTVal Sariak, Joan Ramón Mainat saria eta Constantino Romero saria) izango dira.
2022ko ediziorako helburuetako batzuk izango dira, osasun baldintzek ahalbidetzen badute, jendartera irekitako kaleko jarduerak berreskuratzea eta estreinaldi-egunetan eta irailaren 10ean, larunbatez, ospatuko den Amaierako Galan zehar ohiko alfonbra laranja ipintzea.
2020ko edizioan pandemiaren erruz muga asko izan baziren ere, FesTVal jaialdiak oihartzun handia izan zuen hedabideetan, ia 12 milioi eurorekin, eta 2.100 albiste baino gehiagoren erreferentziak egin ziren komunikazio-euskarri ezberdinen artean (telebista, irratia, idatzizko prentsa eta internet), Kantar Mediako ikuskatutako analisiaren arabera.
